Life I Dreamt?

I feel... sometime,
Not all time... is mine,
Is this... a way to live?
Is this... we call Life.

I search...for happyness,
Wat i find ...deep sighs,
I tried... my level best,
In my hand... just a bitter pie

I miss those... days,
I miss those... nights,
When i was... at home,
Happyness... by my side

I have lost...those golden days
I have lost ...that time,
Now it’s only me...alone
And with me is...binary Life

Now I live...for myself,
I earn... for my life,
But, I think sometime,
Was money...my only dream?
For which I studied...whole Life,

Was this... those books taught me?
Was this...I learnt of Life.

I wish...to change this,
I wish...to move out,
But still... what holds me,
Is my fear...to fail again?
And be called… a Waste Life

Search Amazon.com for depression help

Jal

Neele aakash ki unchaai ko,
tapte suraj ki parchaai ko,
baadal ghane ki gehraayi ko,

khud mei bhigo kar rakha hai,
"Jal" mei hi jeevan hai yaaro,
suna bahut ab dekha hai...

Hunar (Talent Search)

Apne agyaat hunar se milne ko khud se sawaal tamaam kiye,
kuch par bas ek tippani thi kaafi to kuch par ghor anusandhaan kiye,

haath na aaya pyaare par kuch, mat poocho kya kaam kiye,
2 bol taarif ke sunne ko, yaaro ko coupen daan diye,

apne isi khoj ke dwand se khud tak ko hairaan kiye,
jo nahi mila tha ab tak uske sapno mei gungaan kiye,

aakhir wo ek din bhi aaya jab hum yeh sach jaan liye,
hunar nahi mila humko "token' mei, hum kyu yeh imtehaan liye?

hunar-mand ka tamga paane ko hum kuch yuh betaab rahey,
"nahi khoj paaye hunar ko", aakhir yehi hunar hum apna maan liye :P

Do Sitare...

(05/05/2005,Hyd) Very small children begging@road side w/o caring for the RED Signal and running traffic.


sadak kinare do chand sitare,
Suni aankhon se hai jag ko nihare,
Nanhe se haathon mein katore ko thaame,
Maang rahey hai aane-do-aane

Raam-rahim ka woh rahey naam pukare,
Dono ki roti hai jinke sahare..

Sukh kya hota hai...yeh itna bhi na jaane,
Rab ki es mehfil se ab tak hai anjaane,

Jal rahey hai paav, chil-chila rahi dhoop,
inko hi hum kehte hai rab ko ek roop,

Aisa nahi hai inhe koi bhi na jaane,
Aate jaate gujar jaate yun lakhon sayane,
Dekhte hi inko yun bante hai anjaane,
Sadak kinare hai yeh...koi kyon apna maane?

Apne chirag lagey sabko hi pyarey,
par kyon na wo hum ho jo in sitaro ko bhi sawarey...

Koshish...

Haste hue khwaab ko pehchaanne ki koshish,
Jeevan ke maaine ko jaannne ki koshish,
Rote ko hasna sikhaane ki koshish,
Andhere ko roshni mei laane ki koshish..
Jindgi kya hai yuhi “koshish” mei gujar jaayegi…
Ek din hoga savera…aur yeh maut se mil jaayegi…

Just like that

Khushi ko jahan mei failaane ka dil karta hai,
Gam ko chupke se pee jaane ka dil karta hai,
Yeh anjaan dil bhi par jaane kaise kaam karta hai,
Hum isse chupapate hai sab kuch, yeh fir bhi hameein rulakar hi dam bharta hai…

kal ya aaj???

shunya se shuru hoti hai shunya par khatm,
roz naye roop mei dikhlaati khushiyan aur gam,
zindagi ki kahani to zindagi bhi nahi samjh saki,
fir kal ko hasin banane mein kyo bita dete hum sadiyan aur janam???

June 17, 2007 One year experience with NY

subah shaam ki anant-daud mei waqt yuhi kuch gujar gaya,
paane aaye they hum yahan khusiyan, par dil usko hi taras gaya
yahan haste chehre bahut se dekhe, dil se hasta ek nahi tha,
shayad jeevan se ladne ki is jung mei dil khushi mei hasna bhool gaya...
darta hai har shaks yahan koi dekh na le uski uljhan ko,
yahi ek kaaran hai jo wo khud meenaro mei chupna seekh gaya...
choo raha hai aaj aasmaan... garv hai usko un haathon par,
jo haath ek rote ke aanson ko rumaal dikhana bhool gaya...
har shaam khushi ki mehfil mei jaakar dil to behlaana yaad raha,
par khushi se mehfil mei bhi ek dost banana bhool gaya
apna bas apna soch soch khud kya tha yeh ab yaad nahi hai,
par beetein kal ki yaadon ke saath raat mei kuch samay beetaana seekh gaya...

First Thoughts on Niagara Falls!!!

aakash se girti lehro ko dekha to,
yeh laga maano aakash khud ro raha hai,
uski bhi is jameen par aane ke chaah hai,
par jameeni sachaai se wo bhi seher raha hai,

oonchaai par rehkar bhi wo yun darr raha hai
hum insaani fitrat ka lagta usko gumaan hai,
jab tak khada hai aasmaan mei ooncha-wo humara rab-khuda hai,
jo aa gaya jamein par - to bas adna-bejaan-insaan hai...

Uske jameen par na aane ki shayad yahi ek wajah hai,
hum insaano ko samjh gaya wo, bhale hum khud se abhi anjaan hai...
oonchai se girte un aansooo se bhi humne kahaan kuch seekh li hai,
humne sarahi... to sirf oonchaai...jameen par girrey annso ki dard-e-awaaz humne kahan sunni hai???